شروط الخدمة

أهلًا بيك في VEX MEN'S WEAR. لما تطلب من الموقع ده، إنت موافق على الشروط دي، فاقراها بسرعة قبل ما تأكد طلبك.

1. مين إحنا

VEX MEN'S WEAR براند ملابس رجالي مصري، فرعنا في المنصورة (توريل، شارع الإمام محمد عبده، قصاد توريل بارك). الموقع ده هو المتجر الأونلاين الرسمي لـ VEX.

2. الطلب والتأكيد

بعد ما تبعت طلبك، هنكلمك واتساب نأكد معاك المقاس والعنوان وطريقة الدفع.
الطلب بيتأكد نهائي بعد التواصل معاك. ولو مقدرناش نوصلك، أو المقاس خلص، أو فيه بيانات غلط، من حقنا نلغي الطلب، ولو كنت دافع أي مبلغ بيرجعلك كامل.
كل موديل بينزل بكمية محدودة، والأولوية للي يأكد طلبه الأول.

3. الأسعار

كل الأسعار بالجنيه المصري.
مصاريف الشحن من 90 لـ 120 جنيه حسب المحافظة، وبتظهرلك قبل ما تأكد الطلب. الشحن مجاني للطلبات فوق 2500 جنيه.
لو حصل خطأ واضح في سعر قطعة، هنكلمك قبل الشحن، وليك الحق تكمّل بالسعر الصح أو تلغي من غير أي مصاريف.

4. الدفع

عندك طريقتين على إنستا باي أو فودافون كاش على رقم 01068530039:

تحويل الإجمالي كامل شامل الشحن.
أو تحويل قيمة الشحن بس مقدّم، والباقي تدفعه وانت بتستلم.

5. الشحن والاستلام

بنشحن لكل محافظات مصر، أو تقدر تستلم من فرع المنصورة من غير مصاريف شحن.
قيس القطعة على الباب وقت الاستلام، ولو مش مقتنع متدفعش غير الشحن.

6. الاستبدال والاسترجاع والضمان

تقدر تستبدل أو ترجع أي قطعة خلال 14 يوم من الاستلام، بشرط تكون بحالتها ومش ملبوسة ومعاها التيكت. فلوسك بترجعلك كاملة ما عدا مصاريف الشحن.
كل قطعة عليها ضمان 3 شهور ضد عيوب الصناعة، ولو ظهر أي عيب بنبدلها أو نرجعلك فلوسك.
التفاصيل كاملة في سياسة الاستبدال والاسترجاع.

7. أكواد الخصم

خصم أول طلب (10%) بيتاخد لما تسجّل رقم الواتساب بتاعك على الموقع، والكود شخصي ليك وبيتستخدم مرة واحدة بس.
مينفعش تجمع أكتر من كود على نفس الطلب، ومن حقنا نوقف أي عرض أو كود في أي وقت.

8. الصور والمقاسات

بنصوّر القطع بنفسنا وبنحاول الألوان تبان زي الحقيقة، بس ممكن تختلف شوية حسب شاشة موبايلك. جدول المقاسات وأداة VEX Fit ID للمساعدة، ولو محتار ابعتلنا طولك ووزنك واتساب ونختارلك.

9. المحتوى والعلامة التجارية

اسم VEX واللوجو والصور والتصميمات والكلام اللي على الموقع ملك VEX MEN'S WEAR، ومينفعش يتنسخ أو يتستخدم تجاريًا من غير إذن مكتوب مننا.

10. بياناتك

بنستخدم بياناتك عشان ننفّذ طلبك ونبعتلك عروضنا لو سجّلت معانا. التفاصيل في سياسة الخصوصية.

11. تعديل الشروط والقانون

ممكن نحدّث الشروط دي من وقت للتاني، والنسخة المنشورة على الموقع هي المعمول بيها وقت طلبك. الشروط دي خاضعة لقوانين جمهورية مصر العربية.

12. تواصل معانا

واتساب: 01068530039 · إيميل: vexmenwear@gmail.com · أو زورنا في فرع المنصورة.