دليل المقاسات الرجالي: إزاي تختار مقاسك صح من أول مرة

أكتر سبب للاستبدال إن المقاس مش مظبوط. الدليل ده هيساعدك تختار صح من أول مرة.

أسهل طريقة: قارن بقطعة عندك

1. هات قطعة بتحب مقاسها وافردها على سطح.
2. قيس العرض من تحت الباط للباط، والطول من الكتف لتحت.
3. قارن بجدول المقاسات (العرض × الطول بالسنتيمتر) الموجود في صفحة كل منتج.

القطع اللي فوق

المقاسات عندنا من M وطالع، والمقاسات المتاحة لكل موديل مكتوبة في صفحته. السويت شيرت بسوستة قصته بوكسي، يعني واسع شوية بطبيعته: لو بتحب اللبس المظبوط خد مقاسك العادي، ولو بتحب الأوفر سايز زوّد مقاس. والموديلات بتنزل بقطعة واحدة من كل مقاس، فلو مقاسك موجود الحقه.

البناطيل والجينز

البناطيل بمقاس الوسط من 30 لـ 40 (أرقام زوجي). لو بين مقاسين، قيس بنطلون عندك من الوسط وابعتلنا الرقم.

لسه محتار؟

ابعتلنا طولك ووزنك على واتساب ونقولك المقاس. وفي كل الأحوال قيسها على الباب، ولو مش مظبوطة تستبدل خلال 14 يوم. أو تعالى جربها في فرعنا في توريل – المنصورة.